Letras Gallufas

Letras Galegas 2016

O pasado xoves celebramos no colexio a nosa particular homenaxe a Manuel María, autor ao que se adica este ano o Día das Letras Galegas. Poemas, cancións e bailes encheron o salón de actos. Aqui vos deixamos unha pequenaq mostra do que son capaces os nosos cativos. Gracias polas vosas fotos coas que puidemos montar esta composición.

Galicia é unha nai

velliña, soñadora:
na voz da gaita rise,
na voz da gaita chora!

Galicia é o que vemos:
a terra, o mar, o vento……
Pero hai outra Galicia
que vai no sentimento!

 

Categorías: Letras Galegas 2016 | Etiquetas: , | Deixar un comentario

A nosa lingua, o noso tesouro

Ao redor deste lema xirou a actividade, que xunto co Equipo de Biblioteca, propuxemos para festexar o día grande da nosa lingua. A idea era que cada rapaz escollera unha palabra en galego para compor entre todos un gran mural que decorara as escaleiras do noso centro. O criterio para escoller cada quen a súa palabra veu suxerido pola mascota da nosa biblioteca. Podía ser a palabra que máis nos gustara; a máis longa ou a máis curta; a que máis nos custara aprender; podíamos traballar cos campos semánticos que cada curso estivera a traballar nese momento na clase( tempo metereolóxico, froitas, accidentes xeográficos, animais,…). Quedou estupendo e, ademais, aprendemos unha morea de palabras interesantes! E por se alguén non coñecía o significado dalgunha, deixamos uns “xeradores de palabras” para axudarnos a descubrir o seu significado. Houbo moitas sorpresas con algunhas!

Ademais, para celebrar o Día das Letras Galegas, fixemos unha escolma de recursos creados por outros centros (este ano  había moitos e moi bos) para coñecer un pouco máis sobre a vida e obra de Xosé María Díaz Castro e rematamos cantando o noso himno que preparou o profe Toño na clase de Música.

DSC_0920

 

Categorías: Letras Galega 2014 | Etiquetas: ,,,, | Deixar un comentario

Letras Galegas 2014

Un curso máis, a CGENDL pon á disposición da comunidade escolar unha páxina monográfica que compila recursos e materiais sobre o autor homenaxeado no Día das Letras Galegas, nesta ocasión o poeta e tradutor Xosé María Díaz Castro. Nela, partíllanse recursos didácticos como actividades para imprimir e en liña, información en diferentes soportes, exposicións, xogos, experiencias en centros, etc. que foron elaborados por docentes, ENDL e outros grupos de traballo dos centros escolares, institucións, asociacións, etc.

Clicade na imaxe para acceder aos recursos propostos.

Pantallazo-1

Categorías: Letras Gallufas | Etiquetas: ,,, | Deixar un comentario

XII Festa Etnográfica Raigame

Día das Letras Galegas, 17 de Maio de 2013

Dende o inicio da xornada, as rúas e prazas de Vilanova dos Infantes, na vila de Celanova, provincia de Ourense, convértense nun bulideiro de actividades, que teñen como principal obxectivo a exaltación das nosas tradicións: música e baile, oficios tradicionais, monicreques e saltimbanquis, xogos populares e exposicións etnolóxicas, e fan que por un día, a cultura tradicional do noso país reviva e se converta no centro de atención dun público de todas as idades.

Categorías: Letras Galegas 2013 | Etiquetas: ,,,, | Deixar un comentario

LETRAS GALEGAS 2013

A Secretaría Xeral de Política Lingüística vén de publicar os carteis e guías das  Letras Galegas 2013, ademais dunha selección de materiais e recursos elaborados por distintos centros educativos cos que se pretende contribuír a un mellor coñecemento do destacado dramaturgo Roberto Vidal Bolaño.

Podedes acceder a ditas actividades clicando na imaxe.

Captura de pantalla de 2013-05-12 22:54:55

Dende o CEIP Plurilingüe San Xoán de Filgueira proponnos este lim para achegarnos a figura de Roberto Vidal Bolano.

 

 

Captura de pantalla de 2013-05-12 23:00:26

 

XOGAMOS con Roberto Vidal Bolaño

Co gallo das Letras Galegas 2013, Ana Piñeiro, do Ceip Frian Teis, realiza este xogamos sobre a figura do autor homenaxeado.

Captura de pantalla de 2013-05-12 23:06:50

Categorías: Letras Galegas 2013 | Etiquetas: | Deixar un comentario

INVESTIGAMOS A ROSALÍA DE CASTRO

Andrea e Rocío son unhas actrices fantásticas! Senón o credes mirade este video que fixeron con todas as cousiñas que aprenderon sobre Rosalía de Castro.

Mi película ROSALÍA from Patricia López Rodríguez on Vimeo.

Categorías: Letras Galegas 2013 | Etiquetas: ,,, | Deixar un comentario

Rosalía na aula de PT

Como xa sabedes estamos no ano de Rosalía de Castro e Andrea e Rocío están traballando coa  súa biografía e a súa obra para coñecela un pouquiño máis. Nos queremos botarlles unha man e, para elo,  creamos  este lim que poden tamén empregar todos os nenos e nenas de 2º e 3º ciclo.Xa vos ensinaremos o traballo final cando o rematen. Seguide atentos que están a argallar unha sorpresa!!!

pizap.com13625782885241

2013-03-05_2016

 

Categorías: Letras Galegas 2013, Lims, O máis xido dos arxinas | Etiquetas: ,, | Deixar un comentario

Lecturas para San Valentín

imagenProducto.php

 

Precioso e tenro libro publicado por Kókinos en galego, Adiviña canto te quero está escrito por Sam McBratney e ilustrado por Anita Jeram.Nel, dúas lebres intentan medir o seu amor pero acabarán descubrindo que é algo imposible de cuantificar.
Imprescindible  para lerllo aos máis pequenos antes de ir durmir a través do cal comprenderán a immensidade deste sentimento á vez que aprenderán a expresar o tamaño do amor que sinten pola xente que os rodea.

 

 

 

A última novidade de Edelvives en álbums ilustrados  de Davide Cali con ilustracións de Anna Laura Cantone, O que é  o amor?. Neste caso a nena amorpregunta a toda a familia: nai, pai, avó, avoa, e obterá unha resposta diferente segundo os gustos de cadaquén. Pero xuntándoos todos obterá unha resposta axeitada. E é que amar, finalmente, déixanos un sorriso na face.

 

 

 

 

 

images

 

Con gran sentido do humor, José  Campanari da mán da editorial OQO crea un personaxe entrañable capaz de percorrer calquera camiño, por difícil que pareza, na procura do amor verdadeiro. Pero unha lectura máis profunda de Sígueme! descubriranos tamén unha historia de amor sen prexuízos, cuns protagonistas capaces de superaren calquera tipo de diferenza ou barreira (tamaños, cores, culturas, hábitats…)

 

Categorías: Lecturas en galego, O máis xido dos arxinas, Recomendacións lectoras | Etiquetas: ,,,,,, | Deixar un comentario

Mergullámonos na historia das Letras Galegas.

O 20 de marzo de 1963, tres membros da Real Academia Galega presentaron nesta institución unha proposta histórica: Que se declarase o dia 17 de maio de cada ano “Dia das Letra Galegas” como data para “recolle-lo latexo material da actividade intelectual galega”.

Rosalía de Castro

Rosalía de Castro

Manuel Gómez Román, Xesús Ferro Couselo e Francisco Fernández del Riego, expuñan que “con motivo de se celebrar aquel ano o centenario da publicación dos CANTARES GALLEGOS de Rosalia de Castro”, a Academia deberia consagrar, con carácter de perdurabilidade, o simbolismo da data nunha celebración anual.

Estimaban que o libro rosaliano editado en 1863 “foi a primeira obra maestra coa que contou a literatura galega contemporánea” e que “a súa aparición veu a lle dar prestixio universal á nosa fala como instrumento de creación literaria”, concluindo que representa “un fito decisivo na historia da renacencia cultural de Galicia”.

Propuñase o dia 17 de maio, ó ignorarse a data da publicación do libro, por ser nese dia cando Rosalia de Castro llo adicou á tamén poeta Fernán Caballero.

(Texto extraído da páxina http://www.diadasletrasgalegas.com)


Escritores homenaxeados dende que se celebrou o día das LETRAS GALEGAS o 17 de maio de 1963 ata o 17 de maio de 2012.

Eduardo Pondal

Eduardo Pondal

O himno galego é estreado en 1907 na Habana, froito, coma a bandeira e o escudo, da emigración. En 1908 farase oficial. Na súa elaboración conxúganse as partituras de Pascual Veiga e o poema Os Pinos de Eduardo Pondal. O motivo central e moi sinxelo: que Galicia esperte do seu soño e emprenda o camiño cara á liberdade.
O nome de Galicia non figura en ningunha parte do poema, como é habitual en Pondal, sendo substituído por Fogar de Breogán. Pídeselle que esperte do seu soño, que non esqueza as inxurias e que escoite a voz dos pinos rumorosos, que non é outra cosa que o pobo galego.
En 1975, durante  uns actos folclóricos na festa do Apóstolo, a xente comezou a se levantar namentres o himno soaba. Ao año seguinte instaurouse esta costume de modo definitivo na Praza da Quintana, ratificado tamén polas autoridades asistentes.

(Texto extraído da páxina http://www.fillos.org/fillos/taboleiro/mensaxes/1161.htm)

Categorías: Letras Gallufas | Etiquetas: | Deixar un comentario

Recomendacións para o Día das Letras Galegas

Dende Normalización pensamos que a mellor maneira de festexar o día das nosas letras é lendo algúns destes libros en galego publicados polas editoriais Kalandraca e OQO. Fixemos unha escolma de textos actuais para todas as idades. Esperamos que vos gusten. Se queredes saber de que vai cada un, clicade as imaxes do glogster. Algunhas ten sorpresa!!!!!

Categorías: Lecturas en galego | Etiquetas: | Deixar un comentario

Crea un sitio web ou un blogue de balde en WordPress.com.