Recomendacións lectoras

Guías de lectura Nadal 2014

Chegado o Nadal, as bibliotecas escolares dos centros educativos da comarca de Terra de Montes, unímonos para elaborar estas guías de recomendacións lectoras. Con elas pretendemos que este período vacacional a lectura forme parte do tempo libre converténdose nun hábito máis de ocio.Agardamos que as nosas recomendacións sexan do agrado dos cativos. Clicade na imaxe para ver as guías no blogue da biblioteca.

guía_2

Advertisements
Categorías: Nadal, Recomendacións lectoras | Etiquetas: ,,,, | Deixar un comentario

HUGO RECOMENDA…

Hugo, da aula de 2º de Educación Primaria, recoméndanos un libro de Xelís de Toro, titulado “O robot que toleu”, ilustrado por Andrés Meixide. Os protagonistas son Pacopeco Pequeneiro e o seu robot… unha historia divertida con moita rima!

Categorías: Recomendacións lectoras | Deixar un comentario

Paula recomenda

50_639244_0x0_izda

Nesta ocasión, Paula de 4º, recomendounos o libro de titulado Antonio García Teijeiro “Un rato díxolle a lúa” onde poderedes atopar «simpáticos, fermosos, divertidos, sensibles, punzantes, libres, salgados, máxicos, outonizos, perennes» poemas que  transmiten emoción, beleza e solidariedade.

Ilustrada por Xosé Cobas e musicada por Paco Ibáñez (nun CD que se acompaña), este libro recolle a poesía chea de luz e musicalidade deste autor.

Categorías: Kontacontos, Recomendacións lectoras | Etiquetas: ,, | Deixar un comentario

Ana recomenda…

Ana, de 3º, presentounos esta semana a adaptación que realizou Iratxe López de Munáin para a Editotial OQO do conto dos irmáns GrimmRapuncel”.

9788498713701Dende 1812 a historia non variou: Con enorme pena, os pais tiveron que entregar a meniña, á que chamaron Rapuncel. Cando cumpriu doce anos, a meiga pechouna nunha torre, por medo a que marchase do seu carón. E alí viviu, vendo pasar os días, ata que un príncipe se fixou nela cando lanzaba as súas longas trenzas pola ventá, e namorouse perdidamente…

Pero, nesta versión, a autora quixo ir un pouco máis alá do que nos contan os contos de fadas, bruxas, torres,…. Preséntannos a unha nai preocupada “que ten medo a que a súa filla creza e polo tanto, a que poida sufrir. E a dunha rapariga con ganas de decidir por si mesma, de abandonar a seguridade que a súa nai lle ofrece e de atopar a súa propia voz”.
 

Categorías: Kontacontos, Recomendacións lectoras | Etiquetas: , | Deixar un comentario

Guía de lecturas para o Nadal

Se aínda non rematáchedes a carta para os Reis ou Papa Noel, non esquezades incluir un libro. Aquí vos deixamos esta escolma de lecturas que seleccionaron os mestres do cole pensando nos rapaces dos seus cursos. Esperamos que vos gusten. Xa nos contaredes!

Clicade na imaxe.
2013-12-16_2208

Categorías: Nadal, Recomendacións lectoras | Etiquetas: , | Deixar un comentario

Recomendacións lectoras para o Samaín

Por se aínda non tendes un libro escollido para ler na noite do Samaín aquí vos deixamos esta guía de lectura. Esperamos acertar!

2013-10-23_0112

Categorías: Recomendacións lectoras, Samaín | Etiquetas: ,, | Deixar un comentario

Ana recomenda

A nosa compañeira Ana da clase de 4º trouxo xa vai varios días un libro para recomendar titulado “Noite de Reis en Kalpankalá” de Xosé A. Perozo. Neste Papá Noel e os Reis Magos son víctimas dun estraño roubo…. pero se queredes saber que é o que pasa non esperedes ao próximo Nadal para descubrilo. Pode ser unha boa lectura para refrescar as tardes de calor veraniegas.

Ana recomenda… from María Abilleira Pomar on Vimeo.

Categorías: Kontacontos, Recomendacións lectoras | Etiquetas: ,,,, | 2 Comentarios

Lecturas para San Valentín

imagenProducto.php

 

Precioso e tenro libro publicado por Kókinos en galego, Adiviña canto te quero está escrito por Sam McBratney e ilustrado por Anita Jeram.Nel, dúas lebres intentan medir o seu amor pero acabarán descubrindo que é algo imposible de cuantificar.
Imprescindible  para lerllo aos máis pequenos antes de ir durmir a través do cal comprenderán a immensidade deste sentimento á vez que aprenderán a expresar o tamaño do amor que sinten pola xente que os rodea.

 

 

 

A última novidade de Edelvives en álbums ilustrados  de Davide Cali con ilustracións de Anna Laura Cantone, O que é  o amor?. Neste caso a nena amorpregunta a toda a familia: nai, pai, avó, avoa, e obterá unha resposta diferente segundo os gustos de cadaquén. Pero xuntándoos todos obterá unha resposta axeitada. E é que amar, finalmente, déixanos un sorriso na face.

 

 

 

 

 

images

 

Con gran sentido do humor, José  Campanari da mán da editorial OQO crea un personaxe entrañable capaz de percorrer calquera camiño, por difícil que pareza, na procura do amor verdadeiro. Pero unha lectura máis profunda de Sígueme! descubriranos tamén unha historia de amor sen prexuízos, cuns protagonistas capaces de superaren calquera tipo de diferenza ou barreira (tamaños, cores, culturas, hábitats…)

 

Categorías: Lecturas en galego, O máis xido dos arxinas, Recomendacións lectoras | Etiquetas: ,,,,,, | Deixar un comentario

Contos do camiño I

PACKAGING_2_Dbook extralargo 3C2B_OQO-TVG_TRZ

Todos coñecedes A bruxa regañadentes ou Corre, corre Cabaciña. Pero que vos parece poder ver estes contos nun filme? A que sería divertido?

Pois a editorial OQO, atendendo as inquedanzas de pais e mestres para que novos materiais se  incorporen a cultura audiovisual de calidade, e en galego, ás aulas,  acaba de editar nove dos seus relatos máis coñecidos para ser gozados en formato audiovisual pois consideran que é ” un dos formatos actuais máis populares para a transmisión de contos”.

interior_DVDs_OS_CONTOS_DO_CAMIÑO_I

Os contos do camiño I ofrece unha calidade avalada por premios e candidaturas en festivais internacionais especializados como o Brasil Stop Motion, o Festival Internacional de animación de Annecy (Francia), o Festival Zlin (República Checa), o Festival de televisión infantil de Barcelona ou o Japan Prize 2012, co que a televisión pública xaponesa NHK recoñece os mellores produtos audiovisuais educativos do mundo.

Nesta nova publicación atoparedes os títulos máis coñecidos da editorial OQO.

A bruxa regañadentes

A cousa que máis doe do mundo

A grande viaxe

A pota que trota                                                                               DVDs_OS_CONTOS_DO_CAMIÑO_I

A tartaruga que quería durmir

Corre corre, cabaciña

Pedra, Pau e Palla

Rato Tom e rata Tomasa

Un gato na árbore

Bo cine de animación que toda a familia desexará ver.

Categorías: Recomendacións lectoras | Etiquetas: ,,, | Deixar un comentario

A guerra dos números

Captura-de-pantalla

UN era un número moi pequeno. Sempre estaba só e sentía envexa dos demais, que tan superiores lle parecían. Un día, o Rei Menos deulle os planos para construír unha arma terrible: o Signo MENOS.

Usando a operación matemática da resta dunha forma metafórica, Juan Darién quere desmontar a idea de que todo aquelo que é diferente supón unha amenaza senon que o coñecemento dos outros enriquece e engrandece: suma, non resta.

GUERRA(1)_0

Un conto para a paz que manexa conceptos como o da escravitude, o abuso, a resolución de conflitos…, pero tamén unha ferramenta didáctica para se familiarizar con códigos e procesos matemáticos.

GUERRA(2)_0

Este conto de Kalandraca é todo un envoltorio repleto de valores universais como a liberdade, a paz, e o respecto aos demais e á diferenza.

Categorías: Recomendacións lectoras | Etiquetas: ,,,, | Deixar un comentario

Crea un sitio web ou un blogue de balde en WordPress.com.