Artigos coa etiqueta: Día da Paz

INTRES DE PAZ

O noso blogue faise eco da proposta que,  co gallo do Día da Paz, a nosa biblioteca lanzou a través das redes sociais. Aqui vos deixamos o resultado desta colaboración coa comunidade educativa do noso centro.Gracias a tod@s por participar. Clicade na imaxe para ver o video.

10407516_987105194651047_6707627157862737156_n

Advertisements
Categorías: Día da Paz | Etiquetas: ,,,, | Deixar un comentario

Celebración do Día Escolar da Non Violencia e a Paz

Aínda que cun día de retraso (pois o 30 de xaneiro non estaban no centro os alumnos de 3º que foran a ver unha actuación a Pontevedra)celebramos con moito entusiasmo o Día Escolar da Non Violencia e da Paz.
Despois dunha pequena introducción na que Uxía (3º P)nos explicou o por que desta celebración, demos paso a unha serie de pequenas actuacións que prepararon os alumnos de 4 e 5 anos e 3º de Primaria. Ademais, dende a aula de inglés, os alumnos de 4º cantaron a canción de Louis Armstrong titulada “What a wonderful world” e rematamos todos cantando unidos unha canción preparada polo profe de música.
Pero isto non foi todo!!!Tamén firmamos pola Paz nas pombas que fixera a profe de Relixión cos rapaces de 1º e 2º de Primaria.

Aquí vos deixamos un pequeno resumo deste día.

Categorías: Día da Paz | Etiquetas: , | Deixar un comentario

Palabras para construir a PAZ

Gloria Fuertes ensinounos que só necesitamos tres letras para formar a palabra PAZ. Pero….

Cantas palabras son necesarias para construir a PAZ?

Con este obxetivo, decidimos elaborar o noso ABECEDARIO INTERNACIONAL DA PAZ con todas aquelas palabras (en galego, castelán, inglés,….) que criamos  necesarias para que a PAZ poida reinar no noso planeta, no noso país, na nosa cidade, no noso cole, nas nosas casas e nos nosos corazóns.

Tanto no salón de actos do centro coma na biblioteca, deixamos unhas siluetas de pombas para que o que quixera puidera escribir a súa palabra. Outros decidiron debuxar a contorna da man en vez da pomba. Os recreos desta semana pasaron voando pois rápidamente todos nos puxemos mans a obra. E incluso os máis cativos, axudados polos maiores, escribiron a súa palabra ou deixáronnos fermosos debuxos.

E como nos recordaron a profe Patricia e os seus rapaces, non esquezades que…

fin

Categorías: Día da Paz | Etiquetas: ,,,,, | Deixar un comentario

Lecturas para a Paz

Durante estes días os rapaces do centro poden gozar dunha escolma de libros como anticipo  da Semana da Paz que está a organizar a Biblioteca e o Equipo de Normalización do 3 ao 6 de Febreiro.Esperamos que este segundo ciclo temático que abordamos neste curso como proposta de ámbolos dous equipos teña o mesmo éxito que o primeiro.

Aquí vos deixamos algunhas destas recomendacións.

http://www.glogster.com/mariaabilleira/wide-glog-by-mariaabilleira/g-6k7bh063pe45l7euvav911l?s=imgglog
Categorías: Día da Paz | Etiquetas: , | Deixar un comentario

O GUERNICA: UN CADRO PARA A PAZ

Este ano os alumnos de 6º atopamos un cadro en internet que nos pareceu un tanto “rariño”.

Entón decidimos investigar e quedamos sorprendidos por todo o que atopamos agochado nel.

Resulta que é un cadro que simboliza a paz. Imos ver por que:

PicassoGuernica

  • Pablo Picasso pintou o cadro “Guernica “ no ano 1937, durante a Guerra Civil.
  • É un cadro sobre os horrores da guerra, por iso o orixinal está pintado en branco, negro e tonos de grises.
  • As medidas do cadro orixinal son: alto: 3,5 metros e ancho: 7,7 metros.
  • Está exposto no museo “Reina Sofía” de Madrid.
  • Está cargado de simboloxía, é dicir, cada figura do cadro significa algo:
  • Pomba con á rota = Paz rota pola guerra.
  • Ferradura = esperanza, sorte.
  • Luz = bombas da guerra
  • Candil = alegoría da República
  • Nai con neno no colo = dor
  • Touro = sorpresa, aturdimento.
  • Cabalo = sufrimento
  • Rabo do touro = destrucción
  • Estrela de cinco puntas = fe
  • Espada = perdedor
  • Flor = esperanza

Os nenos e nenas deste colexio pedimos que o que representa este cadro non volava ser real como foi naquel tempo. Tamén pedimos que non haxa máis pelexas entre nós pois é a maneira en que podemos empezar tendo paz dende o patio do noso colexio.

Aquí tendes o resultado deste pequeno proxecto documental:

Categorías: Día da Paz | Etiquetas: ,, | Deixar un comentario

Palabras pola Paz

Gandhi_1944Mañá celebramos no cole  o Día Escolar pola PAZ e a Non- Violencia. Ademais, tal día fai xa 65 anos , morreu asasinado Mahatma Gandhi  defensor  do Satyagraha ou forma de protesta non violenta. O principio do Satyagraha, frecuentemente traducido como “o camiño da verdade” ou “a busca da verdade”, tamén inspirou xeracións de activistas democráticos e antirracistas, incluíndo Martin Luther King e Nelson Mandela.

Os rapaces de 6º, interesados por este persoeiro e activista, iniciaron unha pescuda para coñecer a outros defensores da PAZ dun xeito particular : xogando con “palabras pola paz”.

Un día chegaron ao cole e atoparon na parede unha serie de fotos, nomes e frases que tiñan que emparellar. Para elo, navegaron por Internet e, cando consegían unir tres tarxetas, iniciaban a recollida de información para facer unha pequena presentación aos seus compañeiros do que máis lle chamara a atención do seu personaxe.

Mañá, entre todos contarannos algo sobre Gandhi, Mandela, Dalai Lama e outras persoas que tanto loitaron por deixarnos un  mundo un pouco mellor do que eles atoparon. AQUÍ VOS QUEDA O RESULTADO DAS SÚAS PESQUISAS!!

Categorías: Día da Paz | Etiquetas: ,, | Deixar un comentario

Recursos para o Día da Paz

dia_escolar_paz_2013Como cada ano, cando se achega o 30 de Xaneiro, Día Escolar pola Paz, data na que lembramos o aniversario do asasinato do Mahatma Gandhi (1948-2013), os colexios e institutos de Galicia  andan axitados na procura de recursos para organizar as actividades, de aula e de centro, que tradicionalmente preparan arredor desta efeméride ecopacifista recoñecida.

Aqui vos deixamos dous lims que atopados na rede para aprender xogando un pouco máis sobre esta celebración e o seu significado.

 

Lim creado por Belén Junquera para saber máis sobre a Paz en galego, castelán e inglés. Preme na imaxe.

limpaz2[1]

Lim creado por Julia González atopado no blogue O recanto de Mik.

Captura-de-pantalla-5

 

Outro lim de Belén Junquera para  os máis peques .

Captura-de-pantalla

Categorías: Día da Paz | Etiquetas: ,, | Deixar un comentario

Crea un sitio web ou un blogue de balde en WordPress.com.