Corruños Solidarios

O pasado venres 28 de xaneiro, o noso centro, o CEIP Nosa Señora das Dores, celebrou o Día escolar da Non Violencia e da Paz. Dende a área de Educación Física, en colaboración con todos os mestres e mestras e grazas aos patrocinadores conseguidos, organizamos unha xornada escolar onde todo o alumnado realizou unha Carreira Solidaria a favor de Save The Children.

Grazas á cesión das instalacións deportivas por parte do concello de Forcarei, puidemos empregar o campo de fútbol para desenvolver a citada carreira.

Unha, dúas, tres, catro, cinco…. foron as voltas que chegaron a dar o nosos “xambreadores de largance“. Sen lugar a dúbidas unha xornada, deportiva, divertida e, sobre todo, solidaria.

𝓖𝓪𝓵𝓮𝓻í𝓪 𝓭𝓮 𝓲𝓶𝓪𝔁𝓮𝓼

Quilómetros de Soliedariedade from MaraAbilleiraPomar

🏃‍☮QUILÓMETROS DE SOLIDARIEDADE

A educación en e para a tolerancia, a solidariedade, o respecto aos Dereitos Humanos, a non-violencia e a paz son motivos para lembrar todos os días , aínda que especialmente, o 30 de xaneiro. No Día da 𝑷𝒂𝒛, os centros educativos comprometémonos como defensores da paz e entendemento entre persoas de distinta procedencia e modos de pensar.

Este ano queremos dar un paso adiante no noso compromiso implicándonos dun xeito máis activo. Entendemos que a mellor maneira para adquirir coñecementos, actitudes e competencias que reforcen o noso desenvolvemento como cidadáns globais, críticos e comprometidos cos nosos dereitos e os doutras persoas é coa a̲c̲c̲i̲ó̲n̲.

A supervivencia infantil amenazada por conflictos, desnutrición, cambio climático ou violencia de xénero está en risco como nunca antes vimos,agravada pola crise sanitaria derivada da pandemia.

Mañá, mantendo todas as medidas de seguridade e hixene, tanto o alumnado coma o profesorado, apadrinado polas familias e amigos, imos calzar as nosas zapatillas e correr cun único fin: a defensa dos dereitos da infancia.

Moitas grazas pola vosa colaboración e compromiso!

Imos de festa!!!!!

Aínda que con certo retraso, aquí vos deixamos a nosa versión da canción de Uxía Lambona e a Vaca Molona que empregamos de banda sonora da nosa celebración do Día da Paz.
Temos que coidar aos nosos pequenos grandes superheroes e super heroínas…nas súas mans está mellorar o mundo e nas nosas deixarlles un bo futuro.

Choiva de desexos

O pasado xoves celebramos o Día Escolar da Non-Violencia e a Paz coa visualización de varios videos, cancións e contos sobre a temática desta celebración.
Dende o cole, tanto nen@s como mestr@s, queremos comprometernos a rachar coa cadea da violencia da que, ás veces formamos parte, con pequenas accións que axuden a que os rotros dos nosos compañeiros, dos nosos familiares e amigos se iluminen cun pequeno sorriso que nos faga algo mellores cada día.
Para comezar, provocamos unha choiva de desexos, unha forte treboada de concordia, amizade, tranquilidade, ledicia…que de seguro, xa comezou a empapar aos que están máis preto de nós. Úneste???
E se chove….que chova!!!!!

 

Día da Paz 2019

” Hoxe, día escolar da non violencia e a Paz, dende o colexio queremos unir as nosas voces e pedir PAZ”. Así comezaba o manifesto que leron os alumnos e as alumnas de 5º e 6º durante esta mañá.
A maiores o alumnado de Educación Infantil compuxo unha frase de Teresa de Calcuta (” A veces sentimos que lo que hacemos estan solo una gota en el mar, pero el ar sería menos si le faltara una gota”) e, xa para rematar, cantamos ao ritmo de Macaco, “Mensajes del auga”

 

Lecturas pola Paz

Hoxe comezamos os festexos arredor da Paz. Nesta ocasión as lecturas dos alumnos e alumnas de 3º e 5º dan o pistoletazo de saída.

 

 

 

Día da Paz 2018

Baixo o lema “Quérote máis” enchemos o colexio de globos, cores, pombas e mensaxes de amor e de respecto, tan importante hoxe en día.

Grazas a todos os mestres e os cativos e cativas pola súa disposición na realización das tarefas que se lle propoñen.

Quérote máis!

O tempo vai pasando e xa fai que esquece, pero o 30 de xaneiro no cole quixemos conmemorar o Día Internacional da Paz e non Violencia. O fixémolo cun moi bo ritmo musical da man de O Sonoro Maxin coa peza: Quérote máis!

Clicade na pomba para acceder ao vídeo no noso FACEBOOK.

INTRES DE PAZ

O noso blogue faise eco da proposta que,  co gallo do Día da Paz, a nosa biblioteca lanzou a través das redes sociais. Aqui vos deixamos o resultado desta colaboración coa comunidade educativa do noso centro.Gracias a tod@s por participar. Clicade na imaxe para ver o video.

Celebración do Día Escolar da Non Violencia e a Paz

Aínda que cun día de retraso (pois o 30 de xaneiro non estaban no centro os alumnos de 3º que foran a ver unha actuación a Pontevedra)celebramos con moito entusiasmo o Día Escolar da Non Violencia e da Paz.
Despois dunha pequena introducción na que Uxía (3º P)nos explicou o por que desta celebración, demos paso a unha serie de pequenas actuacións que prepararon os alumnos de 4 e 5 anos e 3º de Primaria. Ademais, dende a aula de inglés, os alumnos de 4º cantaron a canción de Louis Armstrong titulada “What a wonderful world” e rematamos todos cantando unidos unha canción preparada polo profe de música.
Pero isto non foi todo!!!Tamén firmamos pola Paz nas pombas que fixera a profe de Relixión cos rapaces de 1º e 2º de Primaria.

Aquí vos deixamos un pequeno resumo deste día.