Os máis cativos uníronse tamén á recopilación de contos, cantos e lendas que iniciamos este curso. Candela, de cinco anos, recolleu coa axuda da súa nai a lenda sobre unha ponte da nosa comarca, a Ponte do Crego. Aproveitando a hora da lectura, animouse a lerlla aos seus compañeiros de 4 e 3 anos, os cales disfrutaron moitísimo.
Os defuntos falaban castelao
Animación en plastilina baseada nun relato de Ánxel Fole. Na noite de defuntos, nunha aldea galega, unha rapaza foxe da súa casa para escapar co seu mozo e prometérense amor eterno. Esa mesma noite os veciños escoitan unhas misteriosas voces que falan en castelán no cemiterio.
Levábamos xa uns anos dándolle voltas a idea de facer unha recopilación de contos, cantigas refráns e lendas da nosa bisbarra pero nunca atopábamos o momento. Despois do éxito do libro viaxeiro de Gloria Fuertes, decidimos que este era o momento.
O Equipo de Normalización é consciente de que a tradición oral da nosa terra estase a perder e con ela, parte importante da nosa identidade. Para que isto non siga así, propoxémoslles as familias un novo libro colaborativo no que, coa a súa axuda, os rapaces puideran recopilar o máximo de pezas posibles da nosa tradición para que no futuro os nosos cativos poidan ter acceso a todas estas manifestacións culturais que retratan dun xeito magnífico a nosa terra e a súa riqueza cultural.Asemade, pedímoslle a colaboración do Equipo de Biblioteca para que incluira nas Mochilas Viaxeiras a nosa proposta.
As mochilas partiron xa fai 15 días e xa temos algún traballo realizado como o de Inés e Candela de 5º de Primaria que entrevistaron a Eladina Castro Martínez, unha muller de Guisande (San Miguel de Presqueiras) que, con 96 anos ,ten unha memoria prodixiosa. Darlle as gracias dende aquí a ela e a súa familia pola súa colaboración.
Ao redor deste lema xirou a actividade, que xunto co Equipo de Biblioteca, propuxemos para festexar o día grande da nosa lingua. A idea era que cada rapaz escollera unha palabra en galego para compor entre todos un gran mural que decorara as escaleiras do noso centro. O criterio para escoller cada quen a súa palabra veu suxerido pola mascota da nosa biblioteca. Podía ser a palabra que máis nos gustara; a máis longa ou a máis curta; a que máis nos custara aprender; podíamos traballar cos campos semánticos que cada curso estivera a traballar nese momento na clase( tempo metereolóxico, froitas, accidentes xeográficos, animais,…). Quedou estupendo e, ademais, aprendemos unha morea de palabras interesantes! E por se alguén non coñecía o significado dalgunha, deixamos uns “xeradores de palabras” para axudarnos a descubrir o seu significado. Houbo moitas sorpresas con algunhas!
Ademais, para celebrar o Día das Letras Galegas, fixemos unha escolma de recursos creados por outros centros (este ano había moitos e moi bos) para coñecer un pouco máis sobre a vida e obra de Xosé María Díaz Castro e rematamos cantando o noso himno que preparou o profe Toño na clase de Música.
O ano pasado fixemos un traballo na aula de PT, da gran poetisa galega Rosalía de Castro e este ano decidimos facerlle unha homenaxe á pintora galega surrealista Maruja Mallo. Con ela, aprendemos un montón de cousas e coñecemos moita xente interesante…
Un curso máis, a CGENDL pon á disposición da comunidade escolar unha páxina monográfica que compila recursos e materiais sobre o autor homenaxeado no Día das Letras Galegas, nesta ocasión o poeta e tradutor Xosé María Díaz Castro. Nela, partíllanse recursos didácticos como actividades para imprimir e en liña, información en diferentes soportes, exposicións, xogos, experiencias en centros, etc. que foron elaborados por docentes, ENDL e outros grupos de traballo dos centros escolares, institucións, asociacións, etc.
Clicade na imaxe para acceder aos recursos propostos.
O pasado mércores 23 celebramos no centro o Día Internacional do libro.Como actividade central, preparamos unhas árbores moi especiais, unha por cada ciclo, para que os rapaces deixaran as súas recomendacións lectoras en forma de libros. Quedaron chulísimos!
E, para rematar, xa que estamos celebrando o centenario da publicación de “Platero y yo”, quixemos facer unha lectura conxunta do 1º capítulo desta obra de Juan Ramón Jiménez.Se queredes ler esta libro, o nosos amigo Biblo mercou varios exemplares para que os levedes a casa.Hugo, da aula de 2º de Educación Primaria, recoméndanos un libro de Xelís de Toro, titulado “O robot que toleu”, ilustrado por Andrés Meixide. Os protagonistas son Pacopeco Pequeneiro e o seu robot… unha historia divertida con moita rima!
Este ano, en colaboración co Equipo de Biblioteca e os rapaces de 4º e 6º de Primaria, realizamos un telexornal para informar a todos os compañeiros e mestres do centro do porqué desta celebración. Ademais preparamos algunha sorpresiña máis que descubriredes ao ollar este adianto informativo.
Coordinadora Galega de equipos de Normalización e Dinamización Lingüística
Grabación orixinal da "Muiñeira de Chantada"
Recomendacións lectoras
LIm do Ceip Reboráns(Tiu)
Biblioteca de lims en lingua galega
ActividadesLim
AulaTic:CEE Terra de Ferrol
Biblio en Forcarei
Bolboretas de cores
Dinamizanormaliza
Galego a lambetadas
Ladrándolle a Lúa
O recuncho das fadas
Our English Corner's Blog
Picariños