Semana do medo: A figueira de Pelostortos

Dende este mércores 23 ata o mércores 30, a biblioteca do centro está a organizar unha semana de relatos de medo. De forma voluntaria, os mestres e rapaces prepararon unha serie de contos e relatos relacionados co Samaín para amenizar o tempo do recreo .

Este venres, os rapaces e rapazas de 5º léronnos un dos contos que se atopan na exposición de libros que o Equipo de Biblioteca realizou para entreternos estes días chuviosos durante as horas de lecer no cole. “A figueira de Pelostortos” da Editorial OQO e escrito por Ana Gª Castellanos  tívonos en suspense ata o final.

A posta en escena foi increíble, sobre todo os efectos especiais ! Parabéns a todos!

Advertisements

Recomendacións lectoras para o Samaín

Por se aínda non tendes un libro escollido para ler na noite do Samaín aquí vos deixamos esta guía de lectura. Esperamos acertar!

SEMANA DE MEDO NA BIBLIOTECA

O Samaín está a piques de chegar cargadiño de bruxas, momias, vampiros, pantasmas e demais criaturas tenebrosas.

Se queredes pasar uns recreos arrepiantes, esperámosvos na Biblioteca, pois o Equipo de Normalización e o de Biblioteca, coa colaboración dos mestres e rapaces do centro, tennos preparada unha escolma de relatos relacionados coa festividade de Samaín que nos van por os pelos de punta.