Arquivos mensuais: Maio 2013

XII Festa Etnográfica Raigame

Día das Letras Galegas, 17 de Maio de 2013

Dende o inicio da xornada, as rúas e prazas de Vilanova dos Infantes, na vila de Celanova, provincia de Ourense, convértense nun bulideiro de actividades, que teñen como principal obxectivo a exaltación das nosas tradicións: música e baile, oficios tradicionais, monicreques e saltimbanquis, xogos populares e exposicións etnolóxicas, e fan que por un día, a cultura tradicional do noso país reviva e se converta no centro de atención dun público de todas as idades.

Categorías: Letras Galegas 2013 | Etiquetas: ,,,, | Deixar un comentario

Semana dos oficios IV

Chegou o remate final da “Semana dos Oficios”no CEIP Nosa Señora das Dores!!!!

Os alumnos de 4º e 6º de Primaria presentaron os traballos que realizaron ao longo do curso sobre os dous oficios que aparecen representados, por un lado, polo fuso e a roca, e polo outro, por trece abellas,no novo escudo de Forcarei.  Xa que ambas investigacións tiveron un punto de partida común tamén quixeron realizar a súas exposicións o mesmo día. E cantas sorpresas nos tiñan preparadas!!

OS CEREIROS NA TERRA DE MONTES

Os cereiros na Terra de Montes from María Abilleira Pomar on Vimeo.

AS FIANDEIRAS NA TERRA DE MONTES

As fiandeiras na Terra de Montes from María Abilleira Pomar on Vimeo.

O gran remate final veu da man dos rapaces de 6º que, xunto coas pandereteiras do colexio e a colaboración do profe Toño, interpretaron unhas cantigas que recolleran coa axuda de Brígida, a avoa de Seraina.

Tecedeiras_ Cantigas from María Abilleira Pomar on Vimeo.

Categorías: O máis xido dos arxinas, Os oficios | Etiquetas: ,,,, | 2 Comentarios

Brígida, a nosa fiandeira

Brígida, a avoa de Seraina, foi fiandeira, e como as alumnas e os alumnos de 6º estamos a traballar este oficio tradicional, invitámola a nosa aula para que nos contara, de primeira man, un montón de cousiñas interesantes; ademáis, é unha pandereteira fantástica!

 

FIANDEIRA 2 from Patricia López Rodríguez on Vimeo.

Categorías: Os oficios, Proxecto Documental Integrado | Etiquetas: ,, | Deixar un comentario

Semana dos oficios III

Os rapaces de 5º, da man do profe Julio, centraron o seu traballo ó redor do oficio dos ferreiros desnde a cultura castrexa ata a siderurxia moderna. Aquí vos deixamos un resumo do seu traballo.


Antes, os pequechos de 5 anos amosáronnos o que aprenderan sobre o oficio dos zoqueiros cun video e unha exposición oral.Trouxéronnos cousas moi curiosas deste oficio das que hai que destacar un libro desplegable que realizaron os tías dunha das nenas onde aparecía reflexado con todo detalle o taller dun zoqueiro. Se queredes ver algo máis deste traballo, acudide ao blogue da clase de cinco anos Ospicarosdevane.I

Categorías: O máis xido dos arxinas, Os oficios | Etiquetas: ,,, | Deixar un comentario

SEMANA DOS OFICIOS II

Hoxe tocoulles o turno de expor o traballo aos rapaces de terceiro. Estiveron todo o curso recollendo información, refráns,.. e  inventando adiviñas sobre OS LABREGOS. Ademais ilustraron a súa exposición cunhas miniaturas de aparellos usados no noso campo nas tarefas cotiás. Bo traballo rapaces!!

pizap.com13686488706551

De seguro que no blogue da profe Anabel (O recuncho das fadas) teredes moita máis información sobre o seu traballo.

Categorías: Os oficios | Etiquetas: ,, | Deixar un comentario

SEMANA DOS OFICIOS

Ao longo desta semana os alumnos do centro van a expoñer os traballos que realizaron para o Proxecto Documental Integrado deste ano. Dende a Biblioteca do centro propúsose coma tema Os Oficios Tradicionais na Terra de Montes seguindo a liña comezada na PDI do curso anterior onde traballamos distintos aspectos do noso concello.

Os primeiros en presentar as súas produccións foron os cativos de 3 e 4 anos que, partindo do conto da leiteira, traballaron un oficio moi arraigado na nosa terra: AS LEITEIRAS.

PDI:As leiteiras from María Abilleira Pomar on Vimeo.

De seguido e, tomando como marco do seu traballo paraxes e monumentos da nosa terra, os rapaces de 2º convertíronse en verdadeiros expertos no oficio do cal a nosa terra pode sentirse moi orgulloso: OS CANTEIROS, ou mellor dito, OS ARXINAS.

Os canteiros en Terra de Montes from María Abilleira Pomar on Vimeo.

Categorías: Os oficios | Etiquetas: , | Deixar un comentario

GLORIA FUERTES EN GALEGO

Este ano na aula de PT, está de moda a poesía… Primeiro tocoulle o turno a Rosalía de Castro, e agora a Gloria Fuertes. Aquí tedes un video que resume un pouquiño o noso traballo, que foi moito!.

Aínda que Gloria Fuertes non escribía en galego, nós fixemos unha tradución do seu poema “La pata mete la pata”, e así, poder traballar no noso idioma.

Desexamos que vos guste!

Categorías: O máis xido dos arxinas | Etiquetas: ,, | Deixar un comentario

Son de aquí: Federico de la Peña

CaricaturaAínda que Federico non é nado na nosa terra o seu vencello con ela é fondo coma as raíces dun carballo. Por iso decidimos invitalo as nosas xornadas “Son de aquí” proxectando o seu documental “Amelia de  Terra de Montes” a través do cal descubrimos o seu amor pola nosa natureza.

Natural de Mondoñedo (Lugo) e residente en Pontevedra, Federico defínese como “naturista, productor e realizador audiovisual de documentais de natureza e etnográficos, educador ambiental e presentador de programas radiofónicos de temática medio ambiental” como reza na autobiografía que encabeza o seu blogue Federico de la Peña- Divulgación Audiovisual.

(Caricatura realizada por Fernando Ruibal “TTai”)

Ademais colabora nas revistas “Periplo” (INCAFO) e “Vida Silvestre” (ICONA) e foi gañador de diferentes premios como:

.Víctor López Seoane (1982)

. Ciudad de Pontevedra a los valores científicos (1983)

. Galicia de Micoloxía (1994)

. Prisma “Casa de las Ciencias” (1996)

. Ferpalia (2005)

. Prisma “Casa de las Ciencias” (2010)

Este ambicioso documental sobre a comarca de Terra de Montes permitiranos apreciar a fermosura dun lugar no que natureza e tradición permanecen inalteradas. Federico de la Peña será quen de amosarnos unha parte importante da vida animal e vexetal desta zona nun percorrido polas distintas estacións do ano, deténdose preferentemente no outono e na primavera. Neste camiño teremos a oportunidade, tamén, de ollar un tradicional aparello: o muíño, noutros tempos elemento de grande importancia económica e social.

É esta unha viaxe pola natureza de Terra de Montes da man de Amelia, unha anciá que vive soa e que serve de base para afondar nos valores paisaxísticos do lugar. Amelia achegaranos, así mesmo, vellas tradicións e lendas que aínda se manteñen vivas, contos que pasaron de xeración en xeración pero que corren o risco de se perder.

Tradición e modernidade mestúranse neste traballo: as novas xeracións, por unha banda, que foxen cara á cidade, e os vellos, pola outra, que se resisten a abandonar a súa aldea e a súa forma de vida. Amelia é, precisamente, unha desas anciás que elixiu pasar os seus últimos días soa pero na súa terra, na Terra de Montes.”

(Fuente: Deputación Pontevedra).

Contamos de novo coa presencia de Franciso Rozados “ROCHI” pois foi o asesor lingüÍstico deste proxecto. Despois de visualizar o documental veu a rolda de preguntas e, gracias as explicacións de Federico, descubrimos que tamén algúns dos animais que saían no video eran auténticos actores coma os xabarís Chelo e Carmen. Amelia é en realidade veciña dalgúns rapaces de 6º e que se convirtiu en actriz gracias ao casting de David Raposeiras,  pois o seu papel  ía ser para outra muller que falecera antes da rodaxe. Unha das tomas máis complicadas foi a das troitas que tivo a Federico cinco horas metido no río sen moverse cunhas botas dúas tallas máis pequenas. Ver a un ourizo cacho bocexando ou a unha águia cazando en paraxes tan coñecidos para todos nós fixo que o público non perdera detalle.
Aproveitamos para agradecerlles a ámbolos dous a súa desinteresada colaboración cun pequeno agasallo para que non se esqueceran de nós e arricámoslles o compromiso de vindeiras colaboracións.

pizap.com13684655382021

Categorías: Son de aquí | Etiquetas: ,,,, | 2 Comentarios

LETRAS GALEGAS 2013

A Secretaría Xeral de Política Lingüística vén de publicar os carteis e guías das  Letras Galegas 2013, ademais dunha selección de materiais e recursos elaborados por distintos centros educativos cos que se pretende contribuír a un mellor coñecemento do destacado dramaturgo Roberto Vidal Bolaño.

Podedes acceder a ditas actividades clicando na imaxe.

Captura de pantalla de 2013-05-12 22:54:55

Dende o CEIP Plurilingüe San Xoán de Filgueira proponnos este lim para achegarnos a figura de Roberto Vidal Bolano.

 

 

Captura de pantalla de 2013-05-12 23:00:26

 

XOGAMOS con Roberto Vidal Bolaño

Co gallo das Letras Galegas 2013, Ana Piñeiro, do Ceip Frian Teis, realiza este xogamos sobre a figura do autor homenaxeado.

Captura de pantalla de 2013-05-12 23:06:50

Categorías: Letras Galegas 2013 | Etiquetas: | Deixar un comentario

Blog en WordPress.com.