Arquivos mensuais: Febreiro 2013

Lecturas para San Valentín

imagenProducto.php

 

Precioso e tenro libro publicado por Kókinos en galego, Adiviña canto te quero está escrito por Sam McBratney e ilustrado por Anita Jeram.Nel, dúas lebres intentan medir o seu amor pero acabarán descubrindo que é algo imposible de cuantificar.
Imprescindible  para lerllo aos máis pequenos antes de ir durmir a través do cal comprenderán a immensidade deste sentimento á vez que aprenderán a expresar o tamaño do amor que sinten pola xente que os rodea.

 

 

 

A última novidade de Edelvives en álbums ilustrados  de Davide Cali con ilustracións de Anna Laura Cantone, O que é  o amor?. Neste caso a nena amorpregunta a toda a familia: nai, pai, avó, avoa, e obterá unha resposta diferente segundo os gustos de cadaquén. Pero xuntándoos todos obterá unha resposta axeitada. E é que amar, finalmente, déixanos un sorriso na face.

 

 

 

 

 

images

 

Con gran sentido do humor, José  Campanari da mán da editorial OQO crea un personaxe entrañable capaz de percorrer calquera camiño, por difícil que pareza, na procura do amor verdadeiro. Pero unha lectura máis profunda de Sígueme! descubriranos tamén unha historia de amor sen prexuízos, cuns protagonistas capaces de superaren calquera tipo de diferenza ou barreira (tamaños, cores, culturas, hábitats…)

 

Categorías: Lecturas en galego, O máis xido dos arxinas, Recomendacións lectoras | Etiquetas: ,,,,,, | Deixar un comentario

O GUERNICA: UN CADRO PARA A PAZ

Este ano os alumnos de 6º atopamos un cadro en internet que nos pareceu un tanto “rariño”.

Entón decidimos investigar e quedamos sorprendidos por todo o que atopamos agochado nel.

Resulta que é un cadro que simboliza a paz. Imos ver por que:

PicassoGuernica

  • Pablo Picasso pintou o cadro “Guernica “ no ano 1937, durante a Guerra Civil.
  • É un cadro sobre os horrores da guerra, por iso o orixinal está pintado en branco, negro e tonos de grises.
  • As medidas do cadro orixinal son: alto: 3,5 metros e ancho: 7,7 metros.
  • Está exposto no museo “Reina Sofía” de Madrid.
  • Está cargado de simboloxía, é dicir, cada figura do cadro significa algo:
  • Pomba con á rota = Paz rota pola guerra.
  • Ferradura = esperanza, sorte.
  • Luz = bombas da guerra
  • Candil = alegoría da República
  • Nai con neno no colo = dor
  • Touro = sorpresa, aturdimento.
  • Cabalo = sufrimento
  • Rabo do touro = destrucción
  • Estrela de cinco puntas = fe
  • Espada = perdedor
  • Flor = esperanza

Os nenos e nenas deste colexio pedimos que o que representa este cadro non volava ser real como foi naquel tempo. Tamén pedimos que non haxa máis pelexas entre nós pois é a maneira en que podemos empezar tendo paz dende o patio do noso colexio.

Aquí tendes o resultado deste pequeno proxecto documental:

Categorías: Día da Paz | Etiquetas: ,, | Deixar un comentario

Encontro de vellos

Ola a todas e a todos:

Aquí estamos os nenos e nenas de 6º cunha sorpresiña. Non sei se recordaredes que fai uns dous ou tres anos tivemos aquí neste mesmo escenario unha representación do Entroido dunha zona veciña: a comarca da Ulla. Viñéronnos visitar daquela os “xenerais” cos seus “encontros” e “atranques”. Pois ben, este ano quixemos recordalos pero poñendo en escea os “encontros de vellos”, que non son máis que unhas parolas entre dous entroidos que se encontran e que falan de temas da actualidade.

Como non pode ser doutra maneira, é todo broma; por iso pedimos de antemán disculpas se alguén se sinte aludido ou aludida; non é con mala intención, só queremos pasar uns momentos divertidos e rirnos un pouco.

Antes de empezar quixera dicirvos que o autor destas coplas non é ninguén en concreto, senón que fomos todos os alumnos de 6º os que aportamos as ideas. Nin se vos ocorra culpar a ninguén; pero eu direivos que os meus avós maternos son desta comarca: da comarca da Ulla, e ao mellor foron eles os que me axudaron…..

encontros from María Abilleira Pomar on Vimeo.

Como broche final quixera dicir que a nosa clase queremos agradecer os aplausos e tamén ao verdadeiro autor destas coplas que hoxe non puido estar con nós por motivos laborais. Pois si : foi un xeneral da Ulla o que as fixo. O seu nome é José Ricardo Bragaña Magariños, ao que mandamos un saúdo e graciñas pola súa axuda desinteresada. Grazas a todos.

Categorías: Entroido, O máis xido dos arxinas | Etiquetas: ,, | 1 Comentario

Entroido 2013

Menudo venres tivemos no cole. Este ano rachamos na festa do Entroido: unha morea de increíbles disfraces , rosca e chocolate ata encher e música e diversión ata cansar. E ademais unha sorpresa dos rapaces de 6º que lle sacaron as cores a máis dun profe. Pero esto último deixámolo para outra entrada porque as cousas boas hainas  que dosificar  para disfrutalas mellor.

animoto 360p(1) from María Abilleira Pomar on Vimeo.

avacaamarela from María Abilleira Pomar on Vimeo.

Categorías: Entroido | Etiquetas: | Deixar un comentario

Xoves de Compadres

Chegou o turno de que as rapazas desafiaran aos rapaces. Preguntádevos como rematou todo. Ollade, ollade…

animoto 360p from María Abilleira Pomar on Vimeo.

Categorías: Entroido | Etiquetas: , | Deixar un comentario

NÓS TAMÉN CREAMOS!

A Secretaría Xeral de Política Lingüística xunto coa Dirección Xeral de Educación, Formación Profesional e Innovación Educativa convoca o premio a curtas de animación en galego elaboradas no marco do programa NÓS TAMÉN CREAMOS!.Este programa está dirixido aos centros de educación infantil e primaria de titularidade da Consellería de Cultura, Educación e Ordenación Universitaria no curso académico 2012/2013. O prazo de inscrición nesta campaña remata o 1 de marzo. Podedes consultar a convocatoria na seguinte ligazón:

nostamen_grande3

Ademais, as creacións dos rapaces estarán accesibles na sección infantil da web da CRTVG. Se queredes botarlle unha ollada as creacións das convocatorias anteriores, premede na imaxe.

Captura-de-pantalla-2

Categorías: Novas de interese | Etiquetas: ,,,, | Deixar un comentario

Acollendo en GALego.Integración lingüística e cultural do alumnado de procedencia estranxeira

O 16 e 17 de novembro tiveron lugar en Santiago de Compostela as Xornadas de formación para os equipos de dinamización lingüística Acollendo en GALego. Integración lingüística e cultural do alumnado de procedencia estranxeira.

Velaquí as diferentes comunicacións e relatorios que aparecen recollidas no portal da Secretaría Xeral de Política Lingüística.

xornadas_integracion

 

Categorías: Novas de interese | Etiquetas: ,,, | Deixar un comentario

Máis recursos para o Entroido

A Secretaría Xeral de Política Lingüística informounos de que están á disposición dos centros educativos e equipos de dinamización da lingua galega novos materiais e recursos relacionados coa celebración do ENTROIDO. Podedes consultalos clicando na seguinte imaxe:

Captura-de-pantalla-1

Categorías: Entroido | Etiquetas: , | Deixar un comentario

Olivia recomenda

imagen

Nesta ocasión, Olivia de 6º, recoméndanos Poetízate de Fran Alonso.

A POESÍA non morde. E, aínda que haxa quen pense o contrario, non é aburrida, romanticona nin difícil. Esta divertida antoloxía poética demostra o contrario. De Rosalía de Castro ás poetas novas, propoñémosche unha viaxe polos poemas máis próximos, divertidos e desenfadados da poesía galega. Poetízate é un libro pensado para as persoas que non están afeitas a ler poesía. ¿Para que? Para cantar, berrar, recitar, rapear, musicar, rebelarse contra o mundo ou só para falar suave na orella. Este é un libro para sentir, gozar e intuír a poesía. Así que, xa o sabes: poetízate.

OLIVIA from María Abilleira Pomar on Vimeo.

Categorías: Kontacontos | Etiquetas: ,,,, | Deixar un comentario

Actividades para o Entroido

É tempo de esmorga.Imos disfrutar deste Entroido cunha serie de interesantes Lims. Gracias a todos os seus creadores por compartir o seu traballo.Clicade na imaxe para acceder aos lims recollidos no blogue ACTIVIDADES LIM e …….disfrutade!!!!!

Captura-de-pantalla-9

 

 

Categorías: Entroido | Etiquetas: , | Deixar un comentario

Crea un sitio web ou un blogue de balde en WordPress.com.