Arquivos mensuais: Xaneiro 2013

Palabras pola Paz

Gandhi_1944Mañá celebramos no cole  o Día Escolar pola PAZ e a Non- Violencia. Ademais, tal día fai xa 65 anos , morreu asasinado Mahatma Gandhi  defensor  do Satyagraha ou forma de protesta non violenta. O principio do Satyagraha, frecuentemente traducido como “o camiño da verdade” ou “a busca da verdade”, tamén inspirou xeracións de activistas democráticos e antirracistas, incluíndo Martin Luther King e Nelson Mandela.

Os rapaces de 6º, interesados por este persoeiro e activista, iniciaron unha pescuda para coñecer a outros defensores da PAZ dun xeito particular : xogando con “palabras pola paz”.

Un día chegaron ao cole e atoparon na parede unha serie de fotos, nomes e frases que tiñan que emparellar. Para elo, navegaron por Internet e, cando consegían unir tres tarxetas, iniciaban a recollida de información para facer unha pequena presentación aos seus compañeiros do que máis lle chamara a atención do seu personaxe.

Mañá, entre todos contarannos algo sobre Gandhi, Mandela, Dalai Lama e outras persoas que tanto loitaron por deixarnos un  mundo un pouco mellor do que eles atoparon. AQUÍ VOS QUEDA O RESULTADO DAS SÚAS PESQUISAS!!

Categorías: Día da Paz | Etiquetas: ,, | Deixar un comentario

Contos do camiño I

PACKAGING_2_Dbook extralargo 3C2B_OQO-TVG_TRZ

Todos coñecedes A bruxa regañadentes ou Corre, corre Cabaciña. Pero que vos parece poder ver estes contos nun filme? A que sería divertido?

Pois a editorial OQO, atendendo as inquedanzas de pais e mestres para que novos materiais se  incorporen a cultura audiovisual de calidade, e en galego, ás aulas,  acaba de editar nove dos seus relatos máis coñecidos para ser gozados en formato audiovisual pois consideran que é ” un dos formatos actuais máis populares para a transmisión de contos”.

interior_DVDs_OS_CONTOS_DO_CAMIÑO_I

Os contos do camiño I ofrece unha calidade avalada por premios e candidaturas en festivais internacionais especializados como o Brasil Stop Motion, o Festival Internacional de animación de Annecy (Francia), o Festival Zlin (República Checa), o Festival de televisión infantil de Barcelona ou o Japan Prize 2012, co que a televisión pública xaponesa NHK recoñece os mellores produtos audiovisuais educativos do mundo.

Nesta nova publicación atoparedes os títulos máis coñecidos da editorial OQO.

A bruxa regañadentes

A cousa que máis doe do mundo

A grande viaxe

A pota que trota                                                                               DVDs_OS_CONTOS_DO_CAMIÑO_I

A tartaruga que quería durmir

Corre corre, cabaciña

Pedra, Pau e Palla

Rato Tom e rata Tomasa

Un gato na árbore

Bo cine de animación que toda a familia desexará ver.

Categorías: Recomendacións lectoras | Etiquetas: ,,, | Deixar un comentario

Marcela recomenda

creditos Seguimos a recibir unha morea de recomendacións lectoras!!!!!!!

Neste caso, Marcela de 3º, quixo presentarnos un dos libros da nosa recomendación para o Nadal, Bicos de música, de Mamá Cabra.

Visitade o noso Kontaconto particular para coñecer esta e outros libros para pasar unha tarde de choiva entretida, divertida, misteriosa,cariñosa, solidaria, aventurera…. Vós decidides!!

Xa nos contaredes.

marcela from María Abilleira Pomar on Vimeo.

Categorías: Kontacontos | Etiquetas: ,,,,, | Deixar un comentario

Candela recomenda…

H2Tharperphoto

 

 

Candela, da clase de, trouxonos este fermoso libro ilustrado por Eric Carle  e editado pola editorial Kalandraca titulado Queres xogar comigo?  E vos, queredes tamén xogar co pequeno ratiño protagonista desta historia?

cande from María Abilleira Pomar on Vimeo.

Categorías: Kontacontos | Etiquetas: ,,,,, | Deixar un comentario

Son de aquí: Francisco Rozados “Rochi”

imagesCon Francisco Rozados “Rochi” e a revista “Metacios” o Equipo de Normalización inicia o espazo “Son de aquí”.
Rochi xa nos visitara o curso pasado para presentarnos en primicia a obra de monicreques titulada “O arxina e o felo”  e, deixounos tan bó sabor de boca ,que quixemos devolverlle o seu agasallo iniciando con el  esta serie de relatorios  para dar a coñecer aos nosos nenos o valor da nosa cultura a través de distintos persoeiros relevantes da nosa terra.

Durante unha hora Rochi comparteu connosco o coñecemento,o amor e o orgullo que sente pola terra que o veu nacer e converterse nun dous máis ferventes difusores da cultura e tradicións dos nosos antergos. Con el comprendemos que o coñecemento das nosas raíces  fainos ser quen somos e, que sen ela, perderíamos a nosa esencia e identidade.

O seu interese por manter viva a cultura do noso concello levouno a respaldar económicamente a continuación do proxecto Cotaredo, agora baixo o nome de Metacios. A revista continua coa temática da anterior publicación así coma co  respaldo dos colaboradores habituais coma Xosé Luis Barreiro , José Raposeiras e Carlos Baliñas, entre outros.

Categorías: Son de aquí | Etiquetas: ,,,, | Deixar un comentario

A guerra dos números

Captura-de-pantalla

UN era un número moi pequeno. Sempre estaba só e sentía envexa dos demais, que tan superiores lle parecían. Un día, o Rei Menos deulle os planos para construír unha arma terrible: o Signo MENOS.

Usando a operación matemática da resta dunha forma metafórica, Juan Darién quere desmontar a idea de que todo aquelo que é diferente supón unha amenaza senon que o coñecemento dos outros enriquece e engrandece: suma, non resta.

GUERRA(1)_0

Un conto para a paz que manexa conceptos como o da escravitude, o abuso, a resolución de conflitos…, pero tamén unha ferramenta didáctica para se familiarizar con códigos e procesos matemáticos.

GUERRA(2)_0

Este conto de Kalandraca é todo un envoltorio repleto de valores universais como a liberdade, a paz, e o respecto aos demais e á diferenza.

Categorías: Recomendacións lectoras | Etiquetas: ,,,, | Deixar un comentario

Recursos para o Día da Paz

dia_escolar_paz_2013Como cada ano, cando se achega o 30 de Xaneiro, Día Escolar pola Paz, data na que lembramos o aniversario do asasinato do Mahatma Gandhi (1948-2013), os colexios e institutos de Galicia  andan axitados na procura de recursos para organizar as actividades, de aula e de centro, que tradicionalmente preparan arredor desta efeméride ecopacifista recoñecida.

Aqui vos deixamos dous lims que atopados na rede para aprender xogando un pouco máis sobre esta celebración e o seu significado.

 

Lim creado por Belén Junquera para saber máis sobre a Paz en galego, castelán e inglés. Preme na imaxe.

limpaz2[1]

Lim creado por Julia González atopado no blogue O recanto de Mik.

Captura-de-pantalla-5

 

Outro lim de Belén Junquera para  os máis peques .

Captura-de-pantalla

Categorías: Día da Paz | Etiquetas: ,, | Deixar un comentario

Recomendacións dos nenos de Patri

Hugo, Paula e Ángel quixeron recomendarnos os libros que están a ler coa profe Patri despois de ver o cartel de Kontacontos que hai diante da súa clase. Ollade este video onde, ademais de ensinarnos os seus libros favoritos da colección Bubela, nos contan un pouco de que vai cada un deles. Fantástico rapaces!!

recomendación PT 2 from María Abilleira Pomar on Vimeo.

Categorías: Kontacontos | Etiquetas: ,,, | Deixar un comentario

Día da Paz: Lecturas para nenos e adultos

A editorial Kalandraca recomenda unha serie de lecturas para nenos e adultos para que reflexionemos sobre a importancia de valores como a concordia, a tolerancia, a solidaridade, a paz,…

animoto 720p from María Abilleira Pomar on Vimeo.

Categorías: Recomendacións lectoras | Etiquetas: , | Deixar un comentario

A nena que non deixaban ser feliz

verkami_f68842cccdc4104f77f912e2aefc000e 

A nena que non deixaban ser feliz, de Luz Beloso e Miguel Ángel Alonso, segundo libro dos autores de O cullarapo croque que constituíu a primeira iniciativa de libro en galego a través de VERKAMI. Tivo unha marabillosa acollida entre lectores e crítica, sendo un dos libros máis vendidos en lingua galega na fería do libro de Vigo 2012.

 

 O crowdfunding é unha forma directa de financiar proxectos coa suma de achegas individuais. En verkami  os creadores independentes poden buscar financiamento para materializar as súas ideas. O seu público, convertido en mecenas, recibe recompensas exclusivas a cambio das súas achegas.

En verkami os creadores manteñen todos os dereitos sobre as súas obras, e ofrecen aos mecenas que lles axudan a financiar os seus proxectos recompensas en forma de creacións e produtos exclusivos, experiencias únicas, edicións limitadas, merchandising, acceso a descargas.

 

Se queres mercalo e facer realidade este proxecto preme nesta ligazón:

http://www.verkami.com/projects/4030-a-nena-a-que-non-deixaban-ser-feliz

 

Categorías: Día da Paz | Etiquetas: ,, | Deixar un comentario

Blog en WordPress.com.