Kontacontos: novo espazo de lectura

Iniciamos un novo espazo no blogue de Normalización: Kontacontos. Nel non só queremos ofertar todas aquelas publicacións que nos parecen interesantes a nos coma mestres senon que queremos recoller todas as vosas suxerencias. Porque ninguén mellor que os rapaces e as familias para recomendar todas aquelas historias que vos fan soñar. Agardamos con impaciencia poder engadir ao panel de Kontacontos as vosas recomendacións.Se queredes tamén podedes grabar un video na casa falando do libro que queredes recomendar destacando o título, autor e un pequeno resumo.

Aquí vos deixamos algúns títulos interesantes. Clicade na imaxe.

Advertisements

Contos para o Nadal

Para estes días fríos que están por chegar de seguro que cada quen ten xa elexido algún libro para disfrutar dun rato de lecer sentado no sofá cunha cunca de chocolate quente.Por se aínda non tendes moi claro que libro ides comezar a ler, o Equipo de Normalización escolleu algúns entre as recomendacións feitas dende a Rede de Bibliotecas Escolares de Galicia.  Clicade na imaxe e disfrutade lendo!!!

A árbore dos Desexos

As nenas e os nenos da aula de Pedagoxía Terapéutica decidimos decorar a nosa árbore de Nadal con adornos que fixemos nós soliños, bolas, campanas e a estrela! Logo puxémoslle as luces… e a brilar! Cremos que nos quedou xenial! Ti que pensas?

Tamén quixemos desexarlle a todas e a todos Bo Nadal e para eso utilizamos as letras magnéticas que temos na aula. Entón pensamos… por qué non convertila nunha árbore dos desexos? E así o fixemos.

Recortamos unhas caixiñas de regalo de distintas cores e deixámolas ó seu carón xunto cuns rotuladores eo celo, para que todos os nenos e nenas do cole, cando pasaran diante, poideran pegar o seu desexo se querían, e resultou que a maioría participaron e pediron un montón de cousas! Ata os máis pequeniños e os profes!

Nós, só esperamos que se cumpran todos esos desexos e que teñades un Bo Nadal. Para felicitarvos as festas deixamos aquí este video que nos axudaron a facer os profes do Departamento de Normalización, Javier, María, Celso, Begoña e Patricia, porque claro… os vídeos aínda non sabemos facelos nós soliños! Pero seguro, que logo aprenderemos!

BO NADAL!

a árbore dos desexos from María Abilleira Pomar on Vimeo.